Шүүхийн цахимжилтын төвийн дарга Т.Мөнхбаяр, хэрэг хянан шийдвэрлэх ажиллагааны системийн сургалт үйлчилгээ хариуцсан мэргэжилтэн Б.Эрдэнэтуяа нар 2026 оны 3 сарын 23-ны өдөр Төв аймгийн шүүх дээр ирж Цахим шүүх 2.0 цөм системийн иргэний хэрэг, хэргийн оролцогчдын системийн туршин нэвтрүүлэлтийн явц, үр дүн, ач холбогдлыг танилцуулж, систем хэрэглэхэд гарч байгаа алдааг сайжруулах санал хүсэлтийг хүлээн авч, ярилцлаа.

Системийг хэргийн оролцогчдын талаас ашиглахад хялбар, ойлгомжтой болгох боломж, давуу тал, цаашдын хэрэгжилтийн чиглэлээр дэлгэрэнгүй мэдээлэл өгч, мэргэжил, арга зүйн зөвлөмж өглөө.

Уулзалт ярилцлагад Төв аймаг дахь анхан болон давж заалдах шатны шүүхийн шүүгчид, захиргааны ажилчид оролцлоо.