Монгол Улсын Ерөнхийлөгчийн 2025 оны 12 дугаар сарын 31-ний өдрийн 193 дугаар зарлигаар Төв аймаг дахь сум дундын анхан шатны шүүхийн шүүгчийн албан тушаалд Г.Өсөхбаяр, М.Бүжин нарыг томилж, шүүгчийн тангараг өргөх ёслолын ажиллагааг 2026 оны 01 дүгээр сарын 02-ны өдөр тус шүүхийн байранд зохион байгуулав.

Шүүгчийн тангараг өргөх ёслолын ажиллагааг тус шүүхийн Тамгын газрын хэргийн хөдөлгөөний удирдлагын хэлтсийн дарга Б.Жавхланбаяр удирдаж, Монгол Улсын Ерөнхийлөгчийн зарлигийг уншиж сонордуулан, шүүгч нар тангараг өргөснөөр Монгол Улсын шүүхийн тухай хуулийн 38 дугаар зүйлийн 38.1-т зааснаар шүүгч нарын бүрэн эрх нь эхэлж байна.

Тангараг өргөх ёслолын ажиллагаанд Төв аймаг дахь анхан болон давж заалдах шатны шүүхийн Ерөнхий шүүгч болон шүүгч нар, шүүхийн захиргааны ажилтнууд, томилогдсон шүүгч нарын гэр бүл оролцож баяр хүргэн үг хэлж, ажлын амжилт хүсэв.

Мөн Шүүхийн ерөнхий зөвлөлийн 2025 оны 12 дугаар сарын 25-ны өдрийн 391 дүгээр тогтоолоор Төв аймгийн Эрүү Иргэний давж заалдах шатны шүүхэд шүүгчээр сэлгэнээр ажиллахаар ирсэн Д.Мөнхбүрэн шүүгчид баяр хүргэж ажлын амжилт хүслээ.