Аймгийн нутаг дэвсгэрийн хэмжээнд хууль зүйн бодлогын хэрэгжилтийг хангуулах, нутгийн удирдлагын болоод шүүх, хууль сахиулах байгууллагын хамтын ажиллагааны хүрээнд өнөөдөр Төв аймгийн Засаг дарга Д.Мөнхбаатар, аймгийн Засаг даргын Тамгын газрын Хууль, эрх зүйн хэлтсийн дарга Б.Ганхуяг, аймгийн Засаг даргын Тамгын газрын Хууль, эрх зүйн хэлтсийн Хууль зүйн бодлого, хууль сахиулах байгууллага хариуцсан мэргэжилтэн нар Төв аймгийн шүүхийн үйл ажиллагаатай танилцлаа.

Тус шүүхийн Тамгын газраас Төв аймаг үүсэн байгуулагдсаны түүхт 100 жилийн ойг угтаж бүтээлч долоон ажлыг хийхээр төлөвлөсөн бөгөөд шүүхийн байгууллагын гадна талын фасатыг шинэчлэх, Зуунмод сумын Номт 1 дүгээр багийн нутагт мод тарих, дөрвөн суманд “Нээлттэй хаалганы өдөрлөг” зохион байгуулах болон Ерөнхий боловсролын сургуулийн төгсөх ангийн сурагчдын дунд хууль, эрх зүйн сургалт нөлөөллийн олон талт арга хэмжээг зохион байгуулахаар төлөвлөн ажиллаж байна.