Засгийн газрын 2020 оны 194 дүгээр тогтоолоор  2020 оны 12 дугаар сарын 01-ний өдрөөс эхлэн Төв аймаг гамшгаас хамгаалах нэг зэрэглэл буурч өндөржүүлсэн байдалд шилжсэн. Ковид-19 цар тахлаас урьдчилан сэргийлэн үүднээс Төв аймаг дахь шүүх хэргийн оролцогчидтой утас, и-мэйл, шуудангаар харьцаж аль болох зайнаас онлайнаар хэргийг шийдвэрлэж байна. 

Төв аймгийн Эрүү, Иргэний хэргийн Давж заалдах шатны шүүх нь 2021 оны 1 сарын 4-ний өдрөөс 1 дүгээр сарын 8-ны өдрийн хооронд  Эрүүгийн хэрэг 2, Иргэний хэрэг 1 хүлээн авсан. Энэ долоо хоногт шүүх хурал зарлагдаагүй байна.

Төв аймаг дахь Сум дундын Иргэний хэргийн анхан шатны шүүх нь 2021 оны 1 сарын 4-ний өдрөөс 1 дүгээр сарын 8-ны өдрийн хооронд 12 нэхэмжлэл хүлээн авсан. Шийдвэрлэсэн нэхэмжлэлийн хувьд, нийт 15 хурал хийсэн. Үүнээс онлайнаар 2 нэхэмжлэл, талуудыг оролцуулан 13 нэхэмжлэлийг  хуралдаж шийдвэрлэлээ.

Төв аймаг дахь сум дундын Эрүүгийн хэргийн анхан шатны шүүх нь 2021 оны 1 сарын 4-ний өдрөөс 1 дүгээр сарын 8-ны өдрийн хооронд Эрүүгийн хэрэг 2, цагдан хорионы санал 7, зөрчил хянан шийдвэрлэх ажиллагааны материал 8 хүлээн авсан. Мөн давж заалдах гомдол 2 хүлээж авсан байна. Шийдвэрлэсэн хэргийн хувьд Прокурорын байгууллагаас ирүүлсэн цагдан хорионы санал 7, Цагдаагийн байгууллагаас ирүүлсэн зөрчил хянан шийдвэрлэх ажиллагааны материал 8, нийт 15 хурлыг онлайнаар, 2 эрүүгийн хурал орсноос 1 хурал онлайнаар, 1 хурал  танхимаар тус тус хуралдаж шийдвэрлэлээ.

Төв аймаг дахь сум дундын Захиргааны хэргийн анхан шатны шүүх нь 2021 оны 1 сарын 4-ний өдрөөс 1 дүгээр сарын 8-ны өдрийн хооронд 3 нэхэмжлэл хүлээн авсан. Шүүх хуралдаан зарлагдаагүй байна.