Төв аймаг дахь шүүхийн Тамгын газрын даргын албан үүргийг түр орлон гүйцэтгэгч Д.Мөнхзориг "Мэдээллийн аюулгүй байдал, гүүглэ аккаунт, криптовалют” гэсэн сэдвийн хүрээнд ажлын эхний өдөр буюу 2021 оны 1 дүгээр сарын 4-ний шүүгч, ажилтнуудад сургалт хийлээ.
Сургалтаар мэдээллийн аюулгүй байдал, кибер аюулгүй байдал, цахим хэлбэрээр хадгалагдаж буй албаны болон хувийн мэдээллийг хэрхэн хамгаалах, нууц үгийн стандарт, нууц үг зохиох аргачлалууд гэх зэрэг анхан шатны ойлголтуудыг практикт суурилсан байдлаар танилцууллаа.
Мөн гүүглэ аккаунтын талаар гүүглэ календарь, гүүглэ драйв, гүүглэ фотос зэргийг ажил, амьдралдаа хэрхэн үр дүнтэй ашиглаж ажлын төлөвлөлт, гүйцэтгэлийн бүтээмжийг дээшлүүлэх, технологийн хөгжлийг хувь хүн хэрхэн үр ашигтайгаар хэрэглэх чиглэлээр жишээн дээр тулгуурлан тайлбарлалаа.
Сүүлийн үеийн сонирхолтой сэдэв болох криптовалют, блокчэйн технологийн талаар ерөнхий ойлголт өгч, харилцан ярилцлаа.
Төв аймаг дахь шүүхийн тамгын газар