Засгийн газрын 2020 оны 194 дүгээр тогтоолоор 2020 оны 12 дугаар сарын 01-ний өдрөөс эхлэн Төв аймаг гамшгаас хамгаалах нэг зэрэглэл буурч өндөржүүлсэн байдалд шилжсэн. Ковид-19 цар тахлаас урьдчилан сэргийлэн үүднээс Төв аймаг дахь шүүх хэргийн оролцогчидтой утас, и-мэйл, шуудангаар харьцаж аль болох зайнаас онлайнаар хэргийг шийдвэрлэж байна. 2020 оны 11 сарын 30-ны өдрөөс 12 дугаар сарын 4-ны өдрийн хооронд буюу сүүлийн ажлын 5 хоногт Төв аймаг дахь Иргэний хэргийн анхан шатны шүүх нь Баян суманд байрлах Согтуурах, мансуурах донтой хүнийг захиргааны журмаар албадан эмчлэх газраас архины албадан эмчилгээг дуусгавар болгох 57 хүсэлт ирүүлснийг, ажиллаж байсан байдал тогтоолгох тухай иргэний 1 хэргийг онлайнаар хуралдаж шийдвэрлэлээ.
Төв аймаг дахь сум дундын Эрүүгийн хэргийн анхан шатны шүүх нь Прокурорын байгууллагаас ирүүлсэн цагдан хорионы санал 7, Цагдаагийн байгууллагаас ирүүлсэн зөрчил хянан шийдвэрлэх ажиллагааны материал 8-г тус тус хүлээн авч онлайнаар хуралдаж шийдвэрлэлээ.
Ингэснээр Монгол Улсын Засгийн Газраас бүх нийтийн бэлэн байдалд шилжүүлж, хөл хорио тогтоосноос хойш буюу 2020 оны 11 дүгээр сарын 11-ний өдрөөс хойш нийт архины албадан эмчилгээ дуусгавар болгох хурал 89, Цагдан хорионы хурал 12, зөрчлийн хэргийн хурал 11-г хийж нийт 112 шүүх хурал онлайнаар хийжээ.
Мөн дээрх хугацаанд эрүүгийн хэрэг 6, иргэний хэрэг 1, эвлэрүүлэн зуучлалын маргаан 4-г тус тус халдвар хамгааллын дэглэм сахиулж шүүгч, хэргийн оролцогчдыг тусгаарлан бэлтгэсэн шүүх хуралдааны танхимд хэргийг шийдвэрлэж 2020 оны 12 дугаар сарын 9-ний өдөр эрүүгийн хэргийн давж заалдах шатны 4 шүүх хурал зарлаад байна.
Төв аймаг дахь шүүхийн тамгын газар